Shillong, Lber 25: Mynta ka sngi u EM ba dei peit ia ki kam hima shima hapoh jong ka KHADC u bah Jambor War u la khot ia ka jingialang jong ki ar tylli ki hima ka, Hima Jirang bad ka Hima Lyngdoh Sohiong ban ia kren halor ka jingiakam ia ka Nongwah Mawtamur kiba don 14 tylli ki shnong kiba don ha Ri Bhoi District.
Mynta u bnai ki dkhot jong ka JAC kiba kam ba ki dei ki khun ki hajar jong ka Hima Sohiong kiba kam ba ki dei ki khun ki hajar jong ka Hima Sohiong kiba la wan tur sha kane ka ophisha ka 11 tarik mynta u bnai kiba la kynnoh ba u lyngdoh sohiong u la die noh ia ka Nongwah Mawtamur sha ka Hima Jirang.
Ka KHADC ka sngewkhia ia kane ka jingeh bad dei halor kane la khot ia ka jingialang bad ka long kaba sngewtynad ba kila wan ban ia shim bynta ha kane ka jingialang bad ha dien ba la ia phylliew jingmut ban wanrah ia ka jingsngewthuh jingmut la thung ia u ksiang u ban ia kren ia kine ki ar tylli ki hima ban poi sha ka jingiasngewthuh jingmut lada dei ban pynphai biang sha ka Hima Sohiong.
Ha ka jingialang kaba la long mynta ka sngi ruh ki shnong jong ka Nongwah Mawtamur ka jingkwah jong ki dang neh kuba ka long ha u 2015, hynrei namar ka jingkyrpad jong ka Hima Sohiong ba dei ban pynphai biang sha ka Hima Sohiong kala pynlong ban don ia kane ka jingiakynduh lang mynta ka sngi.
Ha kane ka jingialang mynta ka sngi la shim ia ka rai ban thung ia u ksiang ban don ka jingiasngewthuh jingmut, kumba ki la leit ban ia soh sha hima Jirang da ka lynti bad lada ki wan phai biang sha ka Hima ruh kan dei ban long da ka lynti kata ka dei kata ka dei ka rai bad kyrmen ba kin sa poi sha ka jingia sngewthuh.
Ka long ba ha ka 16 Nailar 2015 kala don ka jingialang kaba kila wan lang na ka Hima Lyngdoh Sohiong bad ka Hima Jirang la shim ia ka rai ban aiti noh sha ka Hima Jirang bad namar ba kila ia mynjur baroh ar tylli ki hima ka District Council kala pynskhem noh ia ka shnat Nongwah Mawtamur sha ka Hima Jirang.
Na ka liang jong ka KHADC la thung ia u bah Robertjune Kharjahrin ban longkisang halor ka jingiakren ban pynbeit namar ka Hima Jirang kala shimti da ka lynti bad kane ka kam kala sdang naduh u snem shuwa katei ka por bad halor ki rai la shimti ia ka hima Jirang.
