Shillong, Jymmang 29: Mynta ka sngi ki Home Guards bad Civil Defence hapoh ka jingialam jong u bah F. Lamare kila trei shitom ban pynlait na ka jingshah ban jong u dieng ha tnum jong ka iing bad ka kali ha ka shnong Pamrakrai.
Kane ka iing kaba la shah ban ha u dieng na ka jingbeh ka lyer langthari ka dei ka iing jong u bah Welson Shiangshai, kane ka jingjia kala jia ha ka por 8.00 baje mynstep bad ha ka por 9 baje ki briew jong ka sorkar kila poi ha katei ka jaka ban weng ia u dieng, na ka liang jong u bah Siangshai u la ai khublei ia ka kynhun.
Ha kawei pat ka jingjia u Sub Inspector u bah Y.Challam bad ka kynhun jong kila lah ban weng ia ki dieng kiba la khyllem ha ki ksainar light ha ka shnong Tpeppale ha kaba u dieng u la khyllem bad hap ha ki ksainar eletrik, ia kane la ia treilang bad ki briew jong ka MeECL bad ka tnad khlaw.
La lah ban weng ia u dieng na ka jingban ia ki ksai light khlem da pynduh ia ki dingpost eletrik, kane la lah ban leh da ka jingiatreilang, kane ka jingkyllem jong ki dieng dei na kane ka jingbeh jong ka lyer langthari “REMAL”.
