Shillong, Nailar 12: Da ki hajar ngut ki paidbah kiba dei ki die jingdie ha iewduh mynta ka sngi ka la wan ban sngap ia ka jingialang kaba la long ha motphran ba la pynlong da ka Khasi Hills Autonomous District Council (KHADC) bad ka ophis ka Hima Mylliem,kiba kynthup ia ki nongshong ïew ki nongrep kiba la wan khang na nongkyndong ban sngap ia ki rai ba la shim da kine ki artylli bad ban shim ruh ia ka rai bad la pynsngew ia ka rai hakhmat jong ki paidbah halor kine ki rai.
U Bah Ardent Basaiamoit u CEM ka KHADC ha ka ne ka jingialang u la pynsngew ha ki paidbah ia ki rai ba ka District Council bad ka ophis u syiem ka Mylliem ka la shim ula ong, nangne shakhamt kan sa don noh ka jaka trei kam ban iarap na ka bynta ki paidbah ki paidbah ki lah ban leit ia kynduh ia u Bah B Lyngdoh uba long u special officer uba peit ia ki jingeh ki paidbah ha ka ophis trei kam ka KHADC bad ki paidbah ki lah ban leit kynduh hakano ka por.
U Bah Ardent ula ong ruh ba ka District Council ka la rai ruh ban yn shim khajna ia ki mar kiba don 35 kilo shaneng kan eka long na ak bynta ban ioh pyndon kam ka ophis jong ka Hima na ka bynta ban pynbha ia ka iew bad na ka bynta kiwei de ki jingdonkam.
Bad ruh la rai ban pynsangeh noh ia ka jingkhate ia ki mar ba 1 kilo na ka 10 kilo namar kane ka ktah palat ia ki nongrep hynrei yn khate noh lai kilo shiteng na ka shispah kilo bad 2 kilo na ka 50 kilo
Ka District Council ka la rai ruh ban plie ruh ia ki iew die lang bad ki iew thymmai na ka bynta ban iarap ia ki nongshong iew kiba im jakpoh ha iewduh duh,la ong u Bah Ardent
Ka KHADC bad ka Ophis u Syiem Mylliem ka la shim ruh ia ka rai ban khang noh ia ka jingdie kyiad pyrsi beaiñ ha Iewduh bad hadien kata sa ia ki Restuarant kiba die kyiad.
U u bah Ardent u la ong ruh ba mynta hi ka thong jong ka KHADC ka long ban rat dyngkhong shwa ia ki dukan kyiad kiba don hapoh Iewduh bad shen kan sa buddien ban pynduh ia ka jingdie kyiad beaiñ sawdong ka Motphran bad ter ter shaduh Umsohsun bad ha kiwei kiwei ki jaka kiba dang hap hapoh u pud u sam ka KHADC.
Ka KHADC ka la pynkhamti ha ka Ophis u Syiem Mylliem ban register ia baroh ki Daju ne ki nongkit jingkit kiba im bylla ha Iewduh. Ngi la rai mynta ka sngi ban aiti ha ka Ophis u Syiem Mylliem ban register ia baroh ki Daju bar jylla bad trai jylla kiba ju im bylla ha Iewduh bad ngin sa ai ruh da ki Uniform bad ki Badge.
Kane ka sienjam jong ka KHADC ka long ruh ban khanglad ia ki nongtuh kiba ju kam ialade kum ki Daju hynrei ka jingthmu ba sha lyndet hi ka long ban lute na ki paidbah nongthied nongpet da kaba shimti ia ki jingkit hynrei kiba shu jah klep noh ha shiteng lynti khlem pynpoi sha ka jaka ba la iakut bad ki trai,la bynrap biang u Bah Ardent
Ki nongmih khmat jong ki paidbah ki dei ban wan jurip da lade ia ka jinglong jingman ka iew bad kaei ka jingeh jong ki paidbah ba ki shem,kum ka jaitbynriew ki dei ban don ka jingia kynduh lang kaba shisien shisnem khnang ban lah ban sngew thuh ia ki jingeh ba ki paidbah ki ju ia kynduh na ka por sha ka por la pyn kut u Bah Ardent.(SP News)