Jowai, Jymmang 05: ka Jaintia Students’ Union (JSU) Mukhap Unit hadien ba la ioh iakajingujor bad ka jingud jingnam na ki paidbah halor ka jingbym lah shuh ki Doctor ban pdiang iaki nongthiah pang hapoh ka Laskein CHC namar ka jing bym don um, ka Union daka jingsngewkhia kala leit ban ia kynduh ia u DM& HO Dr. P Tongper haka 4 tarik mynta u bnai ban kyrpad ia u ban shimkhia ia kane ka jingeh jongki Paidbah jong kane ka thain.
Ha kane ka jingiakynduh ia u DM&HO u la pynshai ba kane ka jingkyrduh um, dei namar ba la duh u Transformer u ba pyndonkam naka bynta ka Machin ban pump ia ka Um, bad na ka liang jong u u la kular ruh ban shimkhia kloi kat balah bad kumjuh ban thoh shaka MeECL Jowai ba kan pynshna lane ban buh thymmai da u wei pat u Transformer.
ha kajuh ka por ka JSU kala ioh ruh ban iakren bad u SDO Engineering Wings jong kane ka tnad u ma Pala ha kaba ma u ruh u la ong ba u sngewthuh iaka jingeh jongki Doctor ban pdiang iaki nongthiah pang namar bym don ka um bad ula ong ba u la dep ban thoh shapoh ka MeECL ban shimkhia ia kane ka bynta khang ba ki paidbah kim ym ia kynduh ia kane ka jingeh, bad ha ka juh ka por u la ong ruh ba un rah ia kane ka jingeh hapoh ka DCC meeting jongka District Health Society west Jaintia Hills ban ia pyrkhat bad wad ki lad ki lynti ban weng noh ia kane ka jingeh.
Na ka liang ka JSU Mukhap Unit, kala kyrpad ruh ia u Deputy Commissioner jongka West Jaintia Hills u ba dei ruh u Chairman jongka District Health Society ban shimkhia bad tuklar lem lia kane ka jingeh khnang ba ki paidbah nongpang kiba wan naki thain nongkyndong bad kiba duk ba suk kin ioh kloi iaka jingiarap da kaba ioh iaka jingsumar hapoh kane ka CHC kumba juh long baroh shi katta.
