Shillong, Nohprah 01: U general secretary jong ka seng lehnoh ka Hynniewtrep National Liberation Council (HNLC) u bah Sainkupar Nongtraw u badei ruh u nongai khubor ka seng , mynta ka sngi lyngba ka kyrwoh u la pyntip ba ka seng ka tyrwa biang ban ia kren ia suk hapdeng ka sorkar pdeng bad ka sorkar jylla Meghalaya.
Ha ka kywoh kaba la phah mynta ka sngi, la ong ba ka seng ngeit ba ka sorkar pdeng bad ka sorkar, kum juh ka seng HNLC ba kin buh sha rud ia ka jingartatien bad ka jignniew shiliang na ka bynta ban wad ia ka wei ka lynti ban wanrah ia ka jingsuk. Ha kane ka por ka HNLC ka pynpaw ia ka jingshaniah ha ka sorkar ban wanrah ka jingiajan bad ki ap ia ka jubab na ka sorkar halor kane ka jingtyrwa ia kren ia suk.
Na ka liang jong ki kynhun ba ha khliehduh jong ka seng HNLC ki sngew ban shu pyndem kan long ka jingduh kaba khraw halor ki nongrim kaba ki ieng. Kum ka seng mynta ka kwah ban iehnoh ia kane ka jingialeh da kaba kiengsuloi hynrei ka kwah ban don da ka jingiakren. Halor kane ka jingtyrwa ka seng HNLC ka shnong ha ka sorkar pdeng bad ka sorkar jylla hato kin shim khia ne em ia kane ka jingtyrwa.
Ha ka juh ka por u general secretary jong ka seng HNLC ha ka kyrwoh kaba u la phah mynta ka sngi u la ong ba lada ka sorkar kan pynurlong ia kane ka jingtyrwa ia kren ia suk ka seng HNLC kam duna ei ei ruh em la ka dei ha ka liang ki briew, ka pisa ne ki tiar ialeh la kam u general secretary. Ka sorkar kam dei ban shim sting ia kane haba ki dang tyrwa ban iakren ia suk, ong u Bah Nongtrwa ha ka kyrwoh.
U bah Nongtraw u la ong ba mynta ka shnong ha ka sorkar Meghalaya bad ka sorkar pdeng ban shim ia ka rai ban poi sha ka jingiakren ia suk. Na ka lang jong ka seng lehnoh HNLC ka khimih lynti ba kin ioh ia ka jubab kaba bha na ka sorkar halor kane ka jingtyrwa ia kren biang.
Ha ka kyrwoh kaba la phah mynta ka sngi u general secretary ka seng HNLC, u la ong ba kane ka long na ka bynta ka jingtip u paidbah ba la beteng biang ban niew beain ia ka seng HNLC, ha ka juh ka por la pynkynmaw ba ka seng HNLC kala phah ia ki jingtyrwa ban ia kren ia suk lyngba ki lad pathai khubor ba ki long kiba la kloi ban ia kren ia suk. Hynrei halor ki jingtyrwa ka sorkar kam shym la jubab ei ei haduh mynta. La ong ba lada ka sorkar kam jubab ka mut ba kim kwah ia ka jingsuk.
Ka seng HNLC naduh u snem 2004 kala dep ban pynpaw ba ka long kaba la kloi ban ia kren ia suk hynrei haduh mynta kam shym la long kam, ki khmih lynti ba ka dei ban long kumba ka leh ia ka ANVC. Lada ka sorkar kam sngap ia ka jingtyrwa ka long lehnoh ei ban tyrwa ia kren ia suk. Wat la katta ka HNLC ka dang kyrmen ba kin poi sha ka jingiakren ia suk, la ong u Bah Nongtraw general secretary ka HNLC.
