Shillong, Nailar 27: Mynta ka sngi u bah Sounder Cajee haba ia kren bad ki nongialam bad ki reiw paidbah ka thain Mawkyrwat kila pynsngew ba dei tang ka party Meghalaya Trinamool Congress ka ban ia khun pyrshah ia ka sorkar kaba la ialam da party NPP.
Ha ka jingialang kaba la long ha Mawkyrwat la khot la wer ia ki paidbah ba kin pyniasoh sha ka party TMC, ha kane ka sngi la pynbna ruh ba u bah Sounder un ia khun na ka party TMC, ryngkat ki nongialam kin sa pyniasoh bad ka party ha ka rukom kaba janai bad kumba la pynpaw ban ia khun ia ka elekshon na ka TMC.
Ha ka jingialang kaba la long ha Mawkyrwat u la pynpaw shai ba dei tang ka party TMC kaba lah ban trei na ka bynta ki paidbah ka jylla Meghalaya kaba lah ruh ban rah sha Delhi ban ia kren ia ki jingeh kane ka jylla Meghalaya, kum ka kam pynbeitpud, kum ka kam ban pynrung ia ka ktien khasi ha ka khyrngit kaba phra ka riti synshar ka Ri India.
Ha kane ka jingialang paidbah mynta ka sngi la pynbna paidbah ba ka jingrung jong u bah Sounder bad ki nongkyrshah sha ka party TMC kan long ha ka 24 Nailur 2022 ban long dkhot ba pura jong ka party TMC bad un ia khun ia ka elekshon MLA na Mawkyrwat.
