Shillong, Rymphang 5: Ka long ka burom ia ka dong shatei lam mih ngi jong ka Ri India ba ka sorkar jong u Narendra Modi u la pynkhamti ha u Kiren Rijiju MP na ka jylla Arunachal Pradesh kum u myntri kabinet ha ka sorkar pdeng ban bat ia ka tnad ain ka sorkar pdeng.
Ha kine ki 75 snem ba ka Ri India kala ioh ia ka jinglaitluid, u Kiren Rijiju u la long u mytnri ba nyngkong na ki riewlum ban bat ia ka tnad ain jong ka sorkar pdeng bad kane ka dei ka burom ia ki riewlum ha ka Ri India.
Haba kren ha ki lat pathai khubor u Kiren Rijiju myntri ka sorkar pdeng la ong ba ka dei ka sien kaba nyngkong kaba ka dong shatei lam mih ngi jong ka Ri India kan ioh lai ngut ki myntri ha ka sorkar pdeng, ar ngut ki myntri kabinet bad 3 ngut ki mytnri khynnah.
Kum u briew na dong shatei lam mih ngi jong ka Ri India bad u riewlum na kane ka thain ka long ka burom ban long u riewlum ba nyngkong ban long u mytnri kabinet ha ka sorkar pdeng ban peit ia ka tnad ain bad kane ka dei ka jingkit khlieh kaba khia bha kum u myntri ka sorkar pdeng.
Kane kala shim por 75 snem ha kane ka Ri India ba u riewlum un long myntri ba dei peit ia ka tnad ain ha kane ka Ri, ban bat ia kane ka tnad kam dei ka burom ia u Kiren Rijiju hynrei ka dei ka burom ia baroh kawei ka dong shatei lam mih ngi jong ka Ri India bad ka burom ia ki riewlum ka Ri India baroh kawei.
