Shillong, Jymmang 25: Ka jinialang kaba ar sngi jong ka North Eastern Council (NEC) kan sdang ha Shillong la shai ka sngi ha kaba u myntri rangbah duh jong ka Ri u Narendra Modi yn ia don lang ha ka sngi kut jong kane ka jingialang ha ka 27 tarik bad un ai jingkren ha katei ka sngi.
Katkum ka kyrwoh kaba la phah da ka PIB ka jingialang jong ka NEC ha kane ka kynti kaba mynta kin ia kren kumno ban kyntiew ia ka ioh ka kot jong kane ka dong shatei lam mih ngi jong ka Ri India, ban kyntiew ha ka liang jong ka seng kam seng jam bad kumno ban wanrah ia ki kam pynroiha kane ka thain lyngba ki lad ki lynti ki bapher bapher.
Ha kane ka jingialang kaba ar sngi u myntri khynnah jong ka sorkar pdeng u Dr Jitendra Singh yn long u kongsan ha kane jingiakynduh kaba nyngkong jong ka jingialang ha kane ka sngi kin dan long ruh ki heh sorkar bad kin ia kren ruh ia ka mang tyngka na ka bynta u snem 2016-2017.
Ha kane ka jingialang kin ia kren ruh ia ka phang ban pynlong ia ka dong shatei lam mih ngi jong ka Ri India kum ka pdeng ban pynmih ia ki jingbam ba khlem da pyndon kam dawai, ka pdeng ban pynmih ia iaki dawai kynbat bad shibun kiwei kiwei ki mat jingiakren.
Ha ka 27 tarik na ka liang jong u Myntri rangbah duh jong ka Ri yn poi ha kane ka jingialang jong ka NEC, ha dien ba u la dep ban pynlong ia ka jingialang paidbah ha Madan Polo, ha kane ka sngi kan don ka jingiamareh bad ka pdeng jong kane ka jingiamareh ka long ba ka dongshatei lam mih ngi jong ka Ri India kan ialam ha kaba pyntrei kam ia ka Swachh Bharat Abhiyan” ga ha kaba yn sa khaweh lama mynstep na madan polo.
