Shillong, Jylliew 14:u President jong ka Meghalaya Pradesh Congress Committee (MPCC) U bah D D Lapang bad ka working president ka Debora Marak mynta ka sngi kila ia kynduh ia u AICC Secretary ba deipeit ia ka jylla Meghalaya u CP Joshi ha Delhi bad kila ia kren ia ki kam sain pyrthei ha kane ka jylla.
Haba kren ha u SP News Agency ka Debora kala ong ba kane ka jingiakynduh jong ki ka long kum ka jingai khublei ia u ba u dang shah jied thymmai kum u secretary ba dei piet ia kane ka jylla Meghalaya.
Haba jubab ia ki jingkylli na ka liang jong ka Debora Marak ka la ong ba ha kane ka jingiakynduh ki ka kren khyndait kumno ban pynkhlain ia ka seng Congress ha kane ka jylla ban pynkhreh ia ka general election sha ka iing dorbar thawain ka ban long ha u snem 2018.
Ha kane ka jingiakynduh kim shym la ia kren ei ei halor ka jinglong jingman jong ka sain pyrthei ha kane ka jylla, ka la ban biang ba ka jingiakynduh mynta ka sngi ka long beit tang halor ka phang banpynkhlain ia ka party.
Haba la kylli halor ka jingdawa ban bujli nongialam kala ong ba kim shym la ia kren ei ei ia kane ka bynta ruh hynrei la iathuh ba u secretary jong ka AICC u CP Joshi hapoh ka ar taiew un sa wan sha Shillong ban ia kynduh ia ki MLA ka party baroh ban tip ia ka jingsngew ka jong ki.
