Shillong, Naitung 14:Ka K.S.U. Eastern Border Area bad K.S.U. Shillong Mihngi Circle ha ka 13 tarik u Naitung 2021 ka la ujor sha u CEM ka Khasi Hill Autonomous District Council (K.H.A.D.C) ha kaba ka la ioh jingtip ba la don ki katto katne ngut ki agent ki ba thmu ban die Lilam ia ka jaka ba la tip kyrteng kum ka Wah Swad Umsohlang kiba hap hapoh ka jingpeit ka hima Khyriem.
Ka KSU kala ong ba kane ka hap hapoh ka jingpeit jingkhmih jong ka Council, kiba kynthup ruh ia ki shnong Lumkseh,Wahmyntait,Mawkduk, Kyrdeng, Lum Diengngan,Lumrit bad ka Shnong Mowkynring bad kiwei ruh ki shnong kiba markhap.
Ha ka Shithi jingujor ba la soi da ki President bad General Secretary jong kitei ki tnat trei kam ka KSU ka la kren Shai ba Na ka liang jong ka seng kan iai pyrshah jur lem bad ki paidbah jong ka Jaitbynriew Hynniewtrep ia ka jingthmu thied jaka jong ki shipai halor ki daw kiba bun ba U paidbah ka bri u Hynniewtrep ki ju kynduh bad kila ju sakhi na ka por sha ka por ia ki jing jia shah thombor jong ki briew kiba lui-lui.
Na ka liang jong ka KSU kala kren shai ba horkit hordang kum ki paidbah nongshong shnong ka Bri u Hynniewtrep ngin ym kwah shuh ia ka jingjynjar bad shah ktah ki paradoh para snam ha ki jaka ba don ki tnad Shipai.
Kumta na ka liang jong ka K.S.U. Eastern Border Area bad K.S.U. Shillong Mihngi Circle ka la pynpaw ha khmat u Khlieh duh ka KHADC ba un shimkhia ban pynsangeh mardor ia kane ka jingthmu jong kine ki riew shim kabu. Da kaba pyntip paidbah ruh sha baroh ki Hima lem bad ki shnong ba kin ym lah ban die jaka sha ki tnad shipai .
Ka Seng ka la ioh ruh ban phah Kopi sha U MDC ka Umroi bad Mawryngkneng Konstiwensi khnang ba maki ruh kin ioh ban bud dien halor kane ka bynta.
