Ujor ka KSU War Jaintia sha u DC ka WJH District ia ka jingkamai beain ki Trok sha Tamabil

Shillong, Nohprah 19: Ka Khasi Students’ Union War Jaintia Circle ka la leit ujor ha u Deputy Commissioner, West Jaintia Hills District halor ka jingkamai beain ki trok bar jylla ha ka thain War Jaintia. Ha kane ka jingleit iakynduh la synranlang da u Samla Leningrad Tariang Organising Secretary, Jaintia District Unit.

Ka Seng ka la ujor ha u Deputy Commissioner ba ha ka jingleit jurip dalade haka 26th Naiwieng, 2018 bad kala lap ba don da ki spah tylli ki trok bar jylla ki bym don la ki kot ki sla kiba biang khamtam kaba ki lah ban wan kamai local Sha kine ki thain, kine ki truk ki lap ba tang kiba ieng harud surok NH-40E shaduh Land Custom Tamabil, Dawki ki bym biang ki kot ki sla kum ki Special Permit, Trading License, Labour License bad kiwei ki kot ki sla ba donkam ban pynshisha shwa ba kin wan kamai hapoh jylla. Kane ka jingleh ne khaii beain jong ki riew shim kabu ka ktah bha ia ka ioh ka kot u trai Ri trai Muluk bad ka pynkharoi ia ki nongwan buhai shnong jong kiba na bar jylla.

Ka Seng ka dawa u Deputy Commissioner  ban pyntrei kam ia ka Ain ha kaba iadei bad kane ka jingleh beain bad ka jingkhaii tuh haba shai ia kine ki trok bar jylla ki bym don ki kot ki sla kiba biang. Kine ki trok kidei kiba la shah beh na kiba bun ki jaka kum ka Shella, Majai  Bholaganj, Dhubri Assam, Dalu Garo Hills District bad kiwei kiwei.

Ka Seng kaba peit ia ka bha ka miat ka Ri bad Jaitbynriew sa shisien ka kyntu jur ia phi ba phin shimkhia ia kane namar balei sha kiwei ki jaka ki lah ban beh ia kine ki kali ki khmih lynti ba ha ka jaka jong ki ruh kim dei ban ioh kamai beain laitluid hangne katba ki mon.

Na ka liang jong u Deputy Commissioner u la ong ban un shimkhia bad ban phah noh ia kane sha u Superintendant of Police, West Jaintia Hills District bad sha ka office jong Sub Divisional Officer, Amlarem Civil Sub – Division ban leh ia kaba donkam. Ia kane ka kyrwoh la phah da u Samla Lurman B. Talang, General Secretary KSU War Jaintia Unit.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet