Shillong, Nailur 08: Ka jylla Meghalaya kala ioh ban khur 12 tylli ki takma ha ka jingiakop sait suloi kaba la long ha Dimapur jong ka jylla Ngaland. Kane ka jingiakop sait ka dei ka 4th North East Zonal Shooting Championship (NEZSC) 2016.
Ki khatar ngut ki briew na kane ka jylla Meghalaya kiba la ioh khur ia ki takma ha kane ka jingiakop, ha kaba u Bishal Sinha u la ioh rah ar tylli ki takma ksiar, Sanjay Dawar takma rupa, ka Melanie Parait kala ioh ia ka takna rynong, ka Toyarisa Swer Nongrum kala ioh rah ia ka takma Rupa, Ka Balari shisha Rani kala ioh ia ka takma rynong, ka Alice C Gante kala ioh rah ia ka takma rupa.
U Mangtinial pat u laioh ban rah ia ka takma ksiar, u Len Chung Nung u la ioh ban rah ia ka ktakma rupa, u Bijoy Datta u la ioh ban rah ia ka takma ksiar ar tylli, u Sailen Rabha bad u Laiminiun Vaipei kim shymla ioh kano kano ka takna ha kane ka jingiakop.
U Bah John F Kharshiing president jong ka seng Shooting Association Meghalaya (SAM) u la pynpaw ia ka jingsngew kmen jong u halor kane ka jingjop jong kine ki dkhot jong ka SAM kiba la lah ban khur ia ki takma bapher bapher ha katei ka jingiakop, ha kane ka sngi u Director jong ka DIPR u Bah HM Shangpliang ruh u la ia don lang ha kaba ia kren bad ki nongthoh khubor ha Shillong.
