Shillong, Nailar 14: Ki paidbah na ki hynriew tylli ki shnong na ka thain Balat ki la mad ia ka jingeh kaba khraw hakaba kim ioh ia iu khaw, bad umphnian gsharak mynta la arbnai, bad ka shini lei lei kim shym la ioh shuh mynta la bun snem.
Kane ka jingduh jong ki paidbah jong kane ka thain ka la pynlyngngoh ia ki bad ruh kim tip na ka ei daw bay m lah ban ioh ia I khaw rashon u ba ki dei hok ban ioh u khaw u ba ki dei ban ioh ki long naduh u khaw BPL, AAY bad APL
U Bah R Nongsiej uwei u nongshong shnong jong ka thain Balat ba mynta la ar bnai kim ioh ia u khaw rashon kaba kum ki paidbah ki mad iaka jingeh khamtam kiba shu im ja kpoh ban leit bylla sngi.
Kane ka jingbym ioh Khaw rashon kala ktah iaki san tylli ki shnong ba kynthup iaka Balat, Umlynter, Pynden Umsawrang, Phodstein Nongrum bad Nongneng bad Kandapara (Hajong) ha kaba ki don haduh 200 tylli ki longiing kiba don hapoh u line BPL.
Ia kane ka jingbym ioh khaw rashon ka long naduh u Bnai Naitung kynthup ia une u bnai ba mynta. Ula iathuh ruh ba ki ju ioh barabor 35 kilo shi card u khaw bad kumjuh ka umphniang sharak ki ju ioh ryngkat lada sam khaw rashon hynrei kat haduh mynta kim pat ioh satia ia utei u khaw la iathuh u bah Nongsiej.
Na ka liang utei u Rangbah ula kyntu iaki bor ba dei peit ba kin sngewbha ban shimkhia ia kane ka kam kaba ktah iaka iap ka im u paidbah.(SP News)