Shillong, Risaw 08: Ka Meghalaya State Disaster Management (MSDM) kan pynlong ia ka jinghikai paidbah ha baroh ki District jong ka jylla ha ka 12/10/2023 ban iada kumno ban leh lada jia ba kan don ka jingkhyniuh Jumai bad ka jinghikai kan sdang naduh ka por 9.00 baje mynstep.
Kane ka jinghikai kan long ba kumno ban long kiba la kreh la jia ba ka don ka jingkhynniuh jumai kum ha u snem 1897, ia kaba la tip kum u Jumai bah ha Ri Khasi, ha kane ka jinghikai yn ia shim bynta da ki ophisar na ka District, ki kynhun shipai. Na ka SDRF, NDRF, ki tnad pynlip ding.
Kiwei ki ban ia shim bynta ha kane ka jinghikai kin long, kiba ai jingiarap ha ka por ba mih ka jingpynjulr ka mariang, ki Hospital, ki Kolej, ki skul, ki seng trei man sngewbha, ki riew paidbah na ki shnong, kum ki kynhun Bharat Scout and Quide, Red Cross, NSS bad kiwei kiwei ki kynhun.
Ia kane ka jinghikai yn pynlong hapoh ka jingpeit jong ki dkhot jong ka National Disaster Management Agency, ha ka jingiadon lang ki ophisar na ka jylla, na ki District, ia ki ophsiar na ka jylla bad ki District ynhikai ha ka 10/10/2023 da ki briew jong ka NDMA.
Ban sdang ia kane ka jinghikai yn pynpah da ka Sairen, ha kane ka nongbah Shillong yn pynlong kum ha kumno na Polo sha Wahiengdoh, Ha ki jaka iew ha Polo bad ki dong sawdong jong ki, ha Umkaliar bad ha ki jaka ai jingsumar bad kiwei kiwei.
