Shillong, Risaw 12: Ki khatlai tylli ki seng bhalang kiba dawa ban pyntrei kam noh ia ki ain ban khanglad ia ka jingwan rung kyrthep jong ki mynder ri sha kane ka jylla mynta ka sngi kila leit ban jurip ia ka jaka ha poh jong ka Ri Bhoi District ha ei ban buh ia kane ka jaka talasi ia ki mynder ri ha kaba la don lang ruh ki briew sorkar.
U Bah Joe Marwein president jong ka FKJGP u la ong ba ha kane ka jingleit ban ia juriplang ha pdeng ki seng bhalang bad ki briew jong ka sorkar ia ka jaka ban buh ia ka jaka talasi ia ki briew kiba rung ba mih ha kane ka jylla, khamtam eh ha kane ka surok bah ban rung sah Shillong kan bha lada lah ban buh ha 18 mer ha GS Road bad na ka liang jong ki trai jaka ruh ki long kiba la kloi ban ai ia ka jaka ha kano kano ka por ba a sorkar ka don kam.
Na ka liang jong ki seng bhalang baroh 13 seng ki kwah ba ka sorkar ka dei ban pynsted noh ban pyntrei kam ia kane ka jingbuh ia ki jaka ban talasi ia ki briew kiba wan na sha bar ban rung sha kane ka jylla. Na ka liang jong ka sorkar kala dep ban jurip lut ia ki jaka baroh ha kane ka jylla ha ei ban buh ia ki bad kane kaba ki leit nymne kan long kaba khatduh.
Na ka liang jong ka sorkar la leit da u Bah Iban Swer u ba dei peit ia ka ‘Social Impact Assessment’ kum ki seng bhalang ki la ia biang lad aka sorkar ka buh ia kane ka jaka ha 18 mer bad kumba ka paw mynne ki trai jaka ruh ki long kiba la kloi ban ai ia ka jaka.
Na ka liang jong ki 13 seng ki da kawah eh b aka sorkar ka dei ban pynsted noh ia kane ka kam namar ka sorkar kala dep ruh ban pass ia ki ar tylli ki bill hapoh iing dorbar thawain ka jylla kiba ia dei bad kane ka juh ka kam. Kaba sah mynta ka long sa tang ba ka sorkar kan sdang noh ban pyntrei ia ka.
