Shillong, Iaiong 07: Ka shad Suk Mynsiem kaba shisien shisnem kaba long ha madan Weiking mynta u snem 2025 kaba la long lai sngi lynter kala kut noh mynta ka sngi hapdeng ka jingphun jingphing ha kaba ki nongshad baroh kila poi 1517 ngut baroh.
Katkum ka jingshim jingkhein ba na ki 1517 ngut ki nongshad, 830 ngut ki dei ki rangbah bad 687 ngut dei ki thei samla, kine baroh kiba wan shad kila wan na kylleng ka ri khasi ban ia shim bynta ha kane ka shad suk mynsiem ban ai nguh ia u nongbah nongthaw.
Ka shad Suk Mynsiem kaba lai sngi kaba la pynlong da ka Seng Khasi Kmie Mawkhar kala sdang da ka shad noh jat ha ka sngi Saitjian bad sa ka shad ha ka sngi u blei bad la pynkut mynta ka sngi ha pdeng ka jingphuh jngphing ha kaba ki paidbah na kylleng kila poi sha Weiking ban sakhi ia kane ka shad Suk Mynsiem.
Ha kane ka sngi u myntri rangbah ka jylla u Conrad K Sangma, u symbut myntri rangbah ka jylla u bah Prestone Tynsong kila poi ban sakhi lang ia kane ka shad Suk Mynsiem bad kum ki khun khasi khara ki don la ka long ka tynrai ban pynneh pynsah ia ka riti ka Dustur.
Nalor kitei ki heh ka sorkar jylla la don ki ophisar, ki nongkit kam kiba ha khmat eh jong ka seng khasi kiba la ia don lang bad kane kala dang pynphuh shuh shuh ia kane ka shad Suk Mynsiem ha Madan Weiking.
