Shillong, Rymphang 11: ka seng All India Food Processors’ Association (AIFPA) da ka jingiatrei lang bad ka North Eastern Regional Agricultural Marketing Corporation Limited (NERAMAC) kan pynlong ia ka jingiamir jingmut ha kane ka nongbah Shillong, halor ka phang ban pynmih bam bad kumno ban khring ia ki nongbei pisa kiba na sha bar jong ka Ri.
Haba maitphang sha phang kane ka jingiamir jingmut u Dr. S. Jindal, President, jong ka AIFPA, u la ong ba ka jingdon bun jiat ki marrep ha kane ka jylla Meghalaya bad ka jingpynbna jong ka sorkar Meghalaya ban shah shispah present ia ki bar ri ban wan bei pisa ha kaba plie ia ki jaka die bam kane ka long ka lad ia ki briew kiba kwah ban wan seng kam ha kane ka jylla khamtam ban pynmih bam.
Haba kren ha hlor ka jingiamir jingmut ha katei ka phang ban pynmih ia ka bam bad ban khot ia ki nongbeit pisa sha kane ka thian u Pankaj Kumar Prasad, Managing Director, NERAMAC, u la ong ba ka NERAMAC ka trei ha baroh sawdong jong kane ka dong shatei lam mih ngi jong ka Ri India kan pynlong ia kane ka jingiakynduh kaba kyrpang ha ka 17 tarik mynta u bnai ha Shillong bad kiba kwah ban wan ia shim bynta ki lah ban ai kyrteng shuwa ka 15 tarik mynta u bnai.
