Shillong, Kyllalyngkot 21: Ka KSU Photkroh Unit mynhaka 21.01.2016 ka la noh synniang daki blanket sha Ki 60 tylli ki longing jongki Khasi ba sah hapoh jong kane ka dong ka thain. Ia kane ka jingsam ia kine ki blanket la pynlong ha NREGS Hall Phodkroh haka jingiadon lang jongki Nongialam Shnong katei ka thain, Ki riewrangbah bad u Samla Forwardman Nongrem, President, KSU South West Khasi Hills District.
Ia kane ka jingiatreilang la pyniaid Da u Samla Marconi Thongni, President KSU Phodkroh Unit u ba dei ruh u Finance Secretary jongka KSU South West Khasi Hills District. Haba maitphang halor kane ka jingsam blanket iaki longing ba duk hapoh ka thain naka liang u Samla Marconi Thongni u la pynshai ba kane ka long kum shibynta ban iasnoh kti lang bad ki paradoh Parasnam hapoh kane ka thain. Hooid kine ki long kiba rit eh ban ia nujor bad ki jingdonkam ba man ka sngi jongphi hynrei to pdiang ia kine ki jingai sngewbha daka jingieit Kumba ngi ruh ngi la ai shaphi daka mynsiem jongka jingieit.
La ioh ban ai jingkren ruh ha kane ka jingialang da u Myntri Ka shnong Phodkroh bad ki riew rangbah ka thain kum u bah Snenglang Lyngkhoi bad u bah Sixth Schedule Syiemlieh. Kine ki rangbah ki la ai jingiaroh shikatdei eh iaka KSU kaba la shim ia kane ka bynta kaba kongsan bad ha kajuh ka por ruh ki la iawer iaki paitbah ka thain ba ki dei ban ai ka jingkyrshan ba radbah iaka Seng KSU hakiba bun ki issue baka donkam ban iaid shakhmat.
Na ka liang jong u Samla Forwardman Nongrem kum u Kongsan ha katei ka sngi haba kren haka jingialang u la banjur iaki paitbah jongka dong ka thain ba ki dei ban ia long shitylli khnang ba kiwei ki Jaitbynriew kin nym lah ban leh trai khlieh halor jongki. Ngi khot iaki paradoh Parasnam bad ki para Samla ba kin ai Ka kti kamon ka kti kadiang bad Ka Seng haki issue naka bynta ka Jaitbynriew kiba Ka Seng Ka donkam ban iaid lyngba. Shuh shuh lyngba Ka Seng, u la khot la wer iaki Shnong jong kane ka thain ban ai ka kti kamon ka kti kadiang bad u la pynthikna ruh ba naka liang ka seng ngin nym kyntait lada kine ki Shnong khappud ki donkam iaka jingiatreilang jongka Seng.
From, Commandant Syiemlieh, Vice president , KSU Phodkroh Unit
