Jowai, Naitug 10: Ka seng BJP West Jaintia Hill District ka ai khublei Behdeinkhlam ba suk ba kmen ia ki Khun ki hajar jong ka Sein Raij Jowai bad kumjuh ruh ia ki khun ka Sein Raij Tuber bad la ngeit shkem lyngba kane ka Behdeinkhlam ba shisien shi snem bad kaba khraw jong ki paidbah nong jaintia ba kin iai bat ia ka riti ka dustur bad ba kin iai bud ia kine kiba la buh kyrpang da u long shuwa manshuwa.
Ha ka juh ka por na ka liang ka party ka ai ia ka jingkyrkhu kyrdoh bad kit bok kit rwiang bad baroh ia ki khun ka ri Jaintia ba u Trai nongbuh nongthaw (Tre ki Rot) ba un pyniaid beit pyniaid ryntih ia ka jingthmu jong ki bad ba un theh ia ki jingkyrkhu ba kynsai jong u ha ki khun ka Raid ba kin roi kin par ha ka kamai kajih jong ki bad na ka bynta ka jingim jong ki pynkut ka kyrwoh bala phah da u president jong ka seng u Bah J G Kyndiah.
