Jowai, Kyllalyngkot 01: Ka AJYWO Central Body ha u kyrwoh khubor ba lapyllait da u President jong ka, u Bah M H Dkhar, ka seng ka ai khublei snem thymmai ba suk ba kmen ia baroh ki paidbah jong ka Jaintia Hills kynthup ia ka East bad West Jaintia Hills District.
Ka seng ka duwai kyrpad ia u Trai Nongbuh Nongthaw ba lyngba une u snem thymmai ba mynta, Un kyrkhu kyrdoh, un iada bad btin lynti ia ka Ri bad ka Jaidbynriew baroh kawei ba kan im suk im saiñ, ba kan koit kan khiah krat, ba kan nang roi parum pareh bad kiew irat ha baroh ki liang naduh ka ioh ka kot, ka jingnang jingstad bad ha kiwei kiwei de ki kam ki jam jong ka Ri bad ka Jaidbynriew hi baroh kawei.
Ka seng ka duwai shuh shuh ha u Blei Trai Kynrad ba lyngba u ne u snem ba thymmai, Un ri un sumar bad iada ia ka Ri bad ka Jaibynriew na kiei kiei baroh kiba sniew bad ruh ba Un theh theh kyrhai ia ka jingiaieit, ka jingiasngewshipara, ka jingiatylli hapdeng jong ki khun ki hajar jong ka Ri bad ruh ba Un theh ia ka mynsiem ieit Ri bad Jaidbynriew bad ka mynsiem jong ka jingtrei hok ha ka ban shakri ia ka Ri bad ka Jaidbynriew.
