Shillong, Lber 28: Ki paidbah nongshong shnong jong ka thain Gumaghat kiba hap hapoh jong ka South West Khasi Hills District, kiba don haduh 12 tylli ki shnong kila mad ia ki jingeh ban leit ban wan namar ba ki hap ba iaid sha shiliang ka wah Ranikor.
Ki shipai BSF kila iohi ia kane ka jingeh jong ki paidbah bad mynta ka kynti na ka jingiarap jong ki BSF la pynioh ia ka lieng kit briew ba kit ia ki briew ba Shilliang sha shiliang jong ka Wah Ranikor.
U Kuldeep Saini IG jong ki BSF ba deipeit ia ka Eastern Frontier , ha ka jingplie jong u ia kane ka lieng kit briew u la ong ba kane ka lieng ka lah ban kit ia ki briew bad ia ki kali. Na ka liang jong ki nongshong shnong kila pynpaw ia ka jingsngewnguh ia kane ka jinglah jong ki shipai BSF.
Ki BSF kila leh ia kane na ka skhim jong ki ia kaba la tip kum ka jingiarap ia ki paidbah ha khapud bad ka Bangladesh. Na ka liang jong ki BSF kum kine ki lad jingiarap ia ki paidbah kala juh leh na ka por sha ka por ban kyntiew ia ki shnong kiba don ha khappud bad ka Bangladesh.
