Shillong, Rymphang 09: Ki Pulit jong ka East Khasi Hills District, kum shi bynta ban teh lakam ia ki jingjia ba sngewsih kaba la ju mih man ka por tang na ka daw ka jingpynher sted jong ki ar shaka, mynta ka sngi kila pynlong ka jingkhynra ha ar tylli ki thain.
Kine ki ar tylli ki jaka ba ki pulit kila pynlong ia ka jingkhynra kadei ha ka thain Sohra bad kawei pat kadei ha ka thain Mawryngkneng ha kaba kiba bun ki nongniah ar shaka ki ju mliem ban leh stunt ia ki bike ne scooty.
Lah ban kdew hangne ruh ba ka jingkhynra jong ki pulit kadei ruh ba hato kine ki nongniah ar shaka ki pyndonkam ne em ia ki helmet ban lait na kino kino ki jingjia ba sngewsih.
Ha ki por kiba la leit la ju sakhi ba kiba bun ki nongniah ar shaka ki ju pynlong ia ka jingher sted ne stunt ha ka thain Mawkdok bad ha kiwei de ki bynta jong ka East Khasi Hills.
Kumta, ban lait na kino kino ki jingjia ba sngewsih ka tnad pulit mynta ka kynti kala shim ia kane ka sien jam ban talasi bad kane ka jingleh ki pulit kadei shisha ban ai ka jingiaroh khnang ba ki khun samla kin kiar na kine kiei kiei kiba buh jingma ruh wat ia ki nongleit nongwan.
