Shillong, Naitung 11: U Bah Process T Sawkmie MLA jong ka Mawlai u la bud dien bha ha kaba ia dei bad ka surok Mawlai by-pass ban iohi ba kane ka jingtrei ka dei ban dep noh ban lait na ka jingdheng kali hapoh jong ka GS Road khamtam ha ki bynta jong ka Mawlai.
Ha dien ba ka tnad PWD kala weng noh ia u kontraktor ba la pyntrei ia kane ka surok na ka daw jong ka jingsuki palat jong u, u Bah Process u bud dien na ka por sha ka por aiu ka PWD ka laleh ban pynsted ia kane ka jingtrei kaba don kam kumba la dep ban ia kren hapoh ka iing dorbar thawain.
Ha ka sngi thohdieng na ka liang jong u Bah Process u la ia kren bad u myntri ka tnad PWD u Bah Prestone Tynsong halor kane ka surok bad na ka liang jong u myntri ba dei peit ia ka tnad shna surok u la iathuh ba ka PWD kala dep ban pynbiang ia ki jingdon kam baroh bad tang shu rang ka beng yn sdang noh ia ka jingtrei.
Ban kdew hangne ba u myntri rangbah ka jylla u Conrad K Sangma lem bad ka kynhun myntri ha ka jingiadon lang u MLA kane ka jaka u Bah Process kila leit ban jurip ia kane ka surok bad na ka liang jong u myntri rangbah u la dep ban ai ka jingkular bay n pynsted ha kaba ia dei bad kane ka jingtrei ban lait ka jingkhap ngiah kali ha kane ka nongbah Shillong.
