Shillong, Lber 25: Khlem da pynpaw ia ka kyrteng jong ki riew paidbah kiba la ujor sha ka seng Ri Bhoi Youth Welfare Organisation (RBYWO) ba kim pat ioh ia ka jingsam bam ha ka elekshon 2023.
Ha ka shithi kaba kila ia soi lang kaba la phah sha u 22/Lber/2024 sha u Deputy Commissioner jong ka Ri Bhoi District kila ong ba kila thep ia ka tender ban sam bam ha kane ka MP Elekshon 2024 bad haduh mynta ki khlem ioh kano kano ka jingtip la ki ioh ne ki duh, hynrei kila ioh jigntip bala ai tang ha u wei u briew ban sam bam.
Kumta kiba la soi kyrteng ha katei ka shithi kaba la phah sha u Deputy Commissioner kala pynpaw ba wat ia ka pisa kaba ki la sam bam ha ka MLA Elekshon 2023 ruh kim pat ioh ia ka pisa jong ki haduh mynta.
Kila pynpaw ba wat hapdeng ki jingeh baroh kila thep biang ia ka tender da ka jingkyrmen ba kin ioh biang ban sam bam ha kane ka elelshon MP 2024 , hynrei ka jingkyntait ia baroh kiba la thep tender na Ri Bhoi District bad la jied ia u ba na Shillong, la kam ba kane ka dei ka sien kaba nyngkong ba ka jia kumne.
U Bah Kenny Nongrum Genenral Secretary ka seng RBYWO la ong ba kila ioh ia kane ka jingujor na ki nongsam bam kiba dei na ka thian Ri Bhoi la ong ba man ka por ki juh sam bam,hynrei mynta la ai tang ia ki briew kiba na bar kane ka long kaei kaei kaba ym lah ban pdiang bad ki kyntu ia ki briew jong ka District ba ki dei ban ai shuwa ia ki briew na ka District.
