Shillong, Lber 29: Mynta ka sngi ki dkhot jong ka seng HANM kila leit ban phah khang ia ka ophis jong ka Income Tax kaba dei jong ka sorkar pdeng kaba don ha Shillong ha pyrshah Secretarait namar ba kila pynlong trei ha kane ka sngi thohdieng bakhuid.
Ki dkhot ka seng HANM kila leit sha katei ka ophis ban ong ia ki ophisar kiba don ha kane ka ophis ba kin khang ia ka jingtrei ha kane ka sngi namar ka dei ka sngi ba ki khristan ki kynmaw burom ia kane ka sngi ba kyrpang bad ia kane ka sngi la pynbna kum ka sngi shuti.
Na ka liang jong ka seng HANM la ialam da u bah W. Sohtun Joint Secretary jong ka seng kmei ha kaba la synran lang da ki dkhot ka seng, kum ka seng kan nym lah ban iohi ba kannym don ka jingburom ia kum kane ka sngi kaba kyrpang ki khristan ha satlak ka pyrthei.
