Shillong, Iaiong 25: U District Magistrate, East Jaintia Hills District, Khliehriat u la pynjari ia ka kyndon 144 CrPC hapoh jong ka East Jiantia Hills District ha kaba la khang pyrshah ban nym shah ban tih thymmai ia u dewiong, ban nym shah ia ki kali kit dewiong khlem da don ia ki kot ki sla kiba don kum kum ki shallan baroh ki kalo kit dewiong kid ei ban don ia ki Shallan.
La khang pyrshah ruh ia ki kali ba kin nym kit patlat ia kaei kaba la buh da ka sorkar bad la da lap ba don kiba kit palat pud yn pynshitom katkum ka ain, ha ka juh ka por la khang pyrshah ban ia lum briew ha ka ki shijaka palat ia ka san ngut bad rah ia ki tiar pynmynsaw.
Na ka liang jong u magistrate u la ong ba la pynmih ia kane ka hukum namar ba ki don kiba dang tih thymmai ia u dewiong ka dang jyllei hapoh jong ka District bad kila don ruh ki kali kiba la kit ia u dewiong khlem shallan. Lada lap mano mano ban pynkhein ia kane ka kyndon ka ain kans a leh ia kaba don kam.
