Shillong, Iaiong 23: Ka kynhun jong ki seng bhalang jong ka jylla Meghalaya, hapoh jong ka lama “Coordination Committee of Meghalaya Social Organization” (CoMSO) mynta ka sngi kila pynlong ia ka jingwah lama iong ha baroh kawei ka jylla Meghalaya.
Kane ka jingpynlong ia kane ka jingwah lama iong naduh Garo Hills sha duh Jiantia Hills ha baroh kawei ka jylla ka long ban pynbor ia ka sorkar ba ka dei ban pyntrei kam noh ia ka Inner Line Permit ha kane ka jylla Meghalaya ban ia da na ka jingwan rung ki briew kiba na bar.
Kane ka jingpyndeng lama iong kala long ha baroh ki District Headquarter jong ka jylla bad khamtam eh hapoh kane ka nongbah jong ka jylla ha Shillong. Ha Shillong ia kane ka jingpyndeng lama iong la sdang na Motphran ter ter sha khyndailad bad sha kiwei ki bynta jong ka nongbah Shillong.
U Bah Roy Synrem haba kren sha ki dkhot jong ka CoMSO shuwa ban sdang ia kane ka jingpyndeng lama iong, u la bethah shai kdar ba kin pyndeng ia ki lama iong tang ha kito kiba pdiang sngewbha kin nym pynbor iano iano ruh.
Katkum ka jingtip, la ong ba kane ka jingpyndeng lama iong kala iaid beit ha baroh kawei ka jylla khlem da don kano kano ka jingpynwit bad kane ka jingiakhih ba jai jai jong ka CoMSO kala long kaba jop mynta ka sngi.
