Shillong, Iaiong 13: Ka Shillong Municipal Board kala shim ia ka sien jam kaba kham tyngeh ban pynioh ia ka Shillong kaba khuid da kaba bat hung shihun ki briew ban trei sngi ban pynkhuid ia ki jaka kiba hap ha ka jingleit jong Board.
Mynta u bnai ka SMB kala thung thymmai jan shispah ngut ki briew ban shu trei kontrak ban pynkhuid ia ka sor Shillong ha ki jaka kiba hap hapoh jong ka jingpeit ka SMB, kane ka jingpynkhuid ka long khamtem eh ia ki suok bad ki jaka iew.
Ka Shillong Municipal Board mynta kala bthah ia ki nongtrei ba kin pynkhuid lai sien shi sngi ban pynthikna ba ki ki lynti syngkieng bad ki surok khamtam eh ki sawdong sawkum ka Khyndailad bad ka Motphran, kine ki jaka ba don ki iew.
Haba u SP News Agency u la ioh ban ia kren bad kiba ioh ban trei ia kane ka kam pynkhuid kila iathuh ba ka bynta kaba nyngkong kaba ki pynkhuid ka dei por 7.00. baje mynstep, kaba bynta kaba ar ka long 2.00 baje noh phai sngi bad ka bynta kaba lai ka long sdang 8.00 baje mynmiet bad ki pynkut ha ka por 10.00 baje mynmiet.
