Shillong, Naitung 18: Ka jingialang paidbah jong ka seng Khasi Disabilities Association (KDA) jong ka Khasi Hills kaba kynthup ia ki hynriew tylli ki District na ki lum khasi kala pynthymmai biang ia ki nongkit kam jong ka seng na ka bynta jong u snem 2014 haduh u snem 2017.
Ha kane ka jingialang kaba la long ha ka 17 tarik mynta u bnai ha Khasi National Dorbar Hall ka seng kala jied ia u Bah Starwin Kharjana u ba don ka jingduna ha ka por ioh sngew kum u president ba thymmai jong ka seng.
Kiwei ki nongkit kam pat ki long u Bah Shanlang Wahlang kum u Vice president bad ka samla Ibadalin Kharbuli kum ka Genenral Secretary jong ka seng, nalor jong kine la jied ruh sa 31 ngut ki nongkit kam jong ka seng na ki district bapher bapher.
Ia kine ki dkhot ba thymmai jong ka seng la pynsmai da u Bah Boney E Kharmalki u ba dei u nongai buit jong ki. Ha katei ka jingialang ka jong ki kila ia tai sani bha ia kaei kaba kila ia kren bad ka sorkar ban pynrulong ia ka jingdawa ka jong ki ka seng kan pynlong ia ka jingiakhih jong ki da kaba shah thngan.
Ka seng kala buh ia ki khatar tylli ki mat jingdawa na ka sorkar, halor kitei ki jingdawa kila ia kynduh la ar sien ia u myntri rangbah ka jylla ha kine ki lai snem bad kumjuh ia ka mynta ba dei peit ia ka tand social welfare. Ka seng ka kam ba bun na kine jingdawa jong ka seng kala dep don ha ka ain hynrei ka sorkar ka leh bym pataiw.(SP News)
