Shillong, Lber 26: Mynta ka sngi ka jingbishar bniah ia ki nomination kiba la thep da ki kyrtong baroh na ka 1-Shillong bad ka 2-Tura Parliamentary Konstitwensi la shem ba ki biang, lait noh tang jong u kyrtong ka party CPI bad jong ka KHNAM ha kaba ki hap ban pynshai shuwa ka 28 tarik mynta u bnai.
Na 1-Shillong parliamentary Konstitwensi baroh kiba la thep kyrteng ban ia khun ia kane ka MP ilekshon ki long hynniew ngut, u Bah THS Boney na ka KHNAM, Bah Samuel Hashah bad u bah Romeo Phira Rani kum ki kyrtong shimet, u Bah Vincent H Pala na ka Congress, Dr Jemino Mawthoh na ka UDP, Bah Sanbor Shullai na ka BJP bad u Bah Justice Kharbasanti na ka CPI.
Katba na ka 2-Tura Parliamentary Konstitwensi ki don lai ngut, ka Agatha K Sangma na ka NPP, u Dr Mukul Sangma na ka Congress bad u Rikman G Momin na ka BJP. Baroh kine ki nomination kila biang bad ka sngi ba khatduh ia ki kyrtong lada ki kwah ban weng noh na ka jingiakhun kan long ha ka 28 tarik mynta u bnai.
Haba ia dei bad ka jingpan jingpynshai na ka liang jong u Returning Officer jong ka 1-Shillong Parliamentary ka long tang ia u kyrtong ka CPI bad ia u kyrtong ka KHNAM ha kaba ki hap ban pynshai ia ki jingkylli hapoh ka 28 tarik mynta u bnai.
