Shillong, Lber 05: U Myntri ba dei peit ia ka tnad pynroi nongkyndong u A.T Mondal ia ka jingkylli u Dr.Mizanur Kazi ka Block Batabari ka trei kam naduh bala sdang ia ka, bad ka jingeh ban rah ia ki kard jong ki nongtrei MGNRGA ki don ki jingeh bad ka jingrah ia ki VEC ka dang iaid haduh mynta.
Haba jubab ia ki jingkylli bynta u myntri la ong ba ka sorkar ka dang pynkhreh ban shna ia ki ophis jong ki block khamtam ia kito ki block ba dang shu pli shen bad ka jingpynkhreh ka dang iaid mynta.
Haba ia dei bad ka jingpynsateng ia ka jingsiew ka daw ka long ba ka sorkar pdeng kala phah da ka jingthoh ba baroh kiba don ia ki kard trei bylla shispah sngi dei ban pyniasoh bad ka aadhaar kard, la ong ba dang bun kiba khlem don ia ka Aadhaar.
Dangshen ka sorkar pdeng kala shna ban siew pyndep ia kito kiba khlem pat don Aadhaar tang ia ki jingtrei kiba rim, hynrei ia ki jingtrei kiba thymmai ka jingsiew kan long beit tang ia kito kiba pyniasoh bad Aadhaar.
Na ka liang jong ka sorkar jylla thoh ruh sha baroh ki bank ba ha dien ka shibaje noh phai sngi ki bank ki dei ban pynlait ia ka por ban pyniasoh ia ki Aaadhaar bad ka kard jong kito Kiba don namar kane ka dei ka jingbthah kaba la wan na ka sorkar pdeng.
