Jowai, Nohprah 05: Ka Khasi Students Union Jaintia Hills District Unit ka la pynrem jur iaki pulit ka East Jaintia Hills namar ka jingkem kulmar iaki riewpaidbah kiba ki shu tharai bad mutdur halor ka jingjia ha Sohshrieh.
Ka jingthwet bad kem kulmar ka long ka long kumba pyntieng pynsmiej iaki paidbah.na ka liang jong ka KSU Jiantia Hills kala ong ba ki ba bun ki long iing sha East Jaintia Hills ki la sheptieng iaka jingleit kem kulmar ki pulit iaki riewpaidbah.
Kumta halor kane ka seng ka kyntu iaki pulit ba kim dei ban shu kem kulmar katba kim pat lah ban pynshisha ne pyntikna iaka jingdonkti ka jong ki,namar lada ki pulit ki kem kulmar ka lah ban nangwanrah iaka jingkulmar ka jing bym shngaiñ satia jong ki paidbah ka thain.
Lada mih kano kano ka jingkulmar naka jingkem pathar jong ki pulit iaki paidbah , ki pulit ki hap ban shim iaka jingbah khlieh la ong ka kyrwoh na ka Seng. Ka KSU Jiantia Hills ka sngew ruh ban Kdew Ïa ki jingjia, ki jingshah pyniap, shah shoh, shah batbor jong ki baduk kiba rangli hynrei kim juh iohi koit ba ka sorkar ka siew bai lutksan ne shim khia .
Hynrei haba ka jia ia Kiba kham don,ka sorkar ka pynbiang nadong shadong wat haduh ban pynbiang iaka bai liengsuiñ ban phah sumar shabar ruh. umba ka long mynta naka liang kiba haiing hasem u Poipynhun Majaw ki khlem ioh eiei ka bai lutksan naka Sorkar.
Kane ka pynpaw iaka jingleh shilliang khmat jong ka Sorkar Jylla. Nangta haka jingshah pyniap jong uwei u Rangbah ba na Block 2 dang ha kine ki khyndiat bnai kim iohi eiei ba ka Sorkar kan iarap, hynrei lah iohi pynban ba ka jingiarap ka wan na Karbi Anglong. Hato kam dei ka jingleh arsap iaki baduk ba rangli kylli ka KSU Jaintia Hills ia ka sorkar.
Kumta halor kane ka Seng ka sngew dei ban kyntu iaka Sorkar ba kadei ban peit ryngkat kajuh ia baroh ki lanot kiba mad iaki jingjia ba Sngewsih,ym ban shu phai khmat bad noh song jing iarap tang Ïa kiba kham pawkhmat.
Ka Seng ka kwah ban buh ka jingkylli iaka sorkar ba balei ka sorkar kam buh daka tohkit CBI iaka jingjia ha Mookhep, ka jingjia shah siat iap ki 4 Ngut ki Khasi haki Pulit Assam ha Langpih, ka jingshah pyniap ba dang shen u wei u rangbah ha Block 2, ka jing jia shah pyniap u Poipynhun Majaw ha Khliehriat.
Baroh Kitei kiba lah jia ki dei hi ki doh ki snam, hynrei balei ym shim khia lang, balei shu shim khia tang iaka jing jia ha Sohshrieh, kane ka long katkam ka kyrwoh kaba la phah da ka KSU Jaintia Hills District.
