Shillong, Jylliew 28: ka jylla Meghalaya ka dei kawei na ki jylla ba don ia ka jingpang khishohrieh hapdeng ki jylla jong ka dong shatei lam mih ngi jong ka Ri India, hynrei mynta la lah ban pynhiar ia kane ka jingpang sha ka 87% ha kine ki lai snem kiba la dep.
Mynta ka sngi kala don ka jingialang ban rakhe ia u bnai ba dei na ka bynta kane ka khihshohrieh, ha kane ka jingialang la ia mir jingmut lang ba na ka liang jong ka sorkar jylla, ki tnad shipai bad kum juh ki riew shimet ban ia trei lang na ka bynta ban ialeh ban rat jynduh ia kane ka jingpang ha u snem 2030, kane ka long ruh katkum ka jiongbetah na ka sorkar pdeng ban ia leh pyrshah ia kane ka jingpang.
Ia kane ka jingialang ban ia kren kumno ban pynduh ia kane ka jingpang ia kaba la buh ia ka phang pdeng “ Sdang na nga ban pynduh ia ka jingpang Khishohrieh” la pynlong ha Shillong Club ha kaba ka kong R. V. Suchiang Additional Chief Secretary,jong ka sorkar jylla ka la long ka kongsan.
Ha ka jingkren jong ka kong Suchiang kala ong ban ia leh pyrshah ia ki ba bun jait ki jingpang ymd ei ban ieh tang ha ka tnad ka koit ka khiah matwei. Hynrei kaba don kam ka long ban don ia ki jingbethah kiba shai ba baroh ki tnad sorkar kin ia treilang ha kaba weng ia ki jingeh ha kaba ia dei bad ka koit ka khiah.
Ha ka jingkren jong ka kong Matsiewdor War Nongbri Deputy Commissioner jong ka East Khasi Hills kala ong ba kala kyntu ia baroh ban ia treilang ban rat ia ka jingpang khishohrieh hapoh jong u snem 2030.
Ha kane ka sngi la pynlait paidbah ruh ia ka kot lyngkdot ha kaba ia dei bad ka jingpang khishohrieh.Ia kane ka jinglang ka khot da ka ophis jong ka Director ka tnad ka koit ka khiah.
