Shillong, Lber 11: U Chief Executive Member jong ka KHADC u bah Pyniaid Sing Syiem mynta ka sngi u la kren shai ba kin nym shah ban tih Uranium ha kane ka jylla hapoh u pud u snam jong ka KHADC.
U Bah Pyniaid u la ong ba ka EC jong u kan nym ai jingbit ban tih Uranium, halor kane ym dei tang ba un shu kren hynrei un sa phah da ka jingthoh sha sha ka sorkar pdeng bad kum juh sha ka sorkar jylla ban pynpaw ia ka jingpyrshah ha kaba ia dei bad ka jingthih Uranium.
Na ka liang jong ka KHADC ka long shai ba kyn nym ai kano kano ka jingbit ia kano kano ka kynhun jong ka sorkar pdeng, ne sorkar jylla ne ki riew shimet ba kin nym ai kano kano ka jingbit ban jurip ne ban tih Uranium ha kane ka jylla khamtam hapoh u pud u sam jong ka KHADC.
La ong ba baroh 30 ngut ki MDC ki don ia ka juh ka jingmut ban nym shah ban jurip, ne tih Uranium hapoh u pud snem jong ka KHADC kiba hap hapoh ki san tylli ki District, South West Khasi Hills District, West Khasi Hills District, Eastern West Khasi Hills District, East Khasi Hills District bad Ri Bhoi District.
Na k aliang jong u CEM ka KHADC u ai khublei ia ki khlieh nongsynshar, ki bor shnong ki paidbah ka Ri Khasi Jaintia kiba la wan ban ia shim bynta ban pynlong ia ka Monolith Festival kaba jop bad kaba phuh ba phing.
