Shillong, Risaw 18: Kum ka jingpynrshah ia ka jingleh bym suid niew jong ka sorkar halor ka jingdawa jong ka Coordination Committee on International Border (CCIB) ba dei ban ker ia jingker ksainar shiah na u Mawthum lane kata kaba ki ong ka ‘Zero Line’.
Ka CCIB, ryngkat ki trai jaka bad kiwei ki seng bhalang ka KSU, FKJGP, ka HNYF, FCRWM bad kiwei kiwei de ki kynhun kila pynlong ia ka jingiakhih shong kyllain mungor mynta ka sngi ha jan jong ka Additional Secretariat ban pynsngew ia ka jingpyrshah jong ki ia ka sorkar halor ka jingjurip ban ker ksainar shiah kaba la lep ha kine ki sngi.
Kum ka kynhun ki dawa ruh na ka sorkar ba ka dei ban weng noh ia u Deputy Commissioner jong ka West Jiantia Hills ba mynta u Arunkumar Kembhavi , ha kaba kila kynnoh ba la leh donbor ha kaba ia dei bad ka jingphah kurip ia ki jaka puta jong ki briew ha kahppud bad ka Bangladesh.
Ban beteng ia kane ka jingiakhih ka jong ki na ka liang jong ka CCIB ryngkat bad kiwei ki seng bhalang kila shim ia ka rai ban pynlong noh da ka jingiaid paidbah ha ka 28 tarik mynta u bnai na Motphran sha Secretariat bad kane ka shong lada ki ioh ia ka jingbit.
