Shillong, Lber 24: Ka jingshna ia ka Restaurant ban per ha pung Umiam da ka Meghalaya Tourism Development Corporation (MTDC) kala iaid mynta la kumba saw bnai ei ei ha Umiam ha Ri Bhoi District.
Haba u SP News Agency u la poi sha pung Umiam la iohi ba ia kane ka Jhad ban pynper ha pung Umiam ka ban long kum ka Restaurants la wan ban shna da ka kompeni Cleghdan MF9 Company Private Limited, Kolkatta bad kane ka jingpyntrei ka dang iaid sh khmat.
Kiba pyntrei ia kane ka Jhad ka ban pyniaid sawdong hapoh katei ka pung ha Umiam ka dang iaid skhmat bad kane ka long kum shibynta khring ia ki nongjngoh kai pyrthe ki ban leit sha katei ka jaka kaba dei kawei na ki pung ba heh ha jylla.
Kane kan long ka Restaurant kaba nyngkong ha ka jylla ka ban per ha um ia kaba la shna na ka MTDC ha katei ka jaka ha kaba ki nongleit kai ha katei ka pung kin ioh ban iaid sawdong katei ka pung bad ha ka juh ka por kin ioh ia ka bam ka dih kaba ki kwah ban.
Khmih lynti ba ia kane ka jingshna ia kane ka Jhad kaba rit kaban long ka restaurant kaba per ha um yn lah ban pyndep ha kine ki bnai lyiur bad hapoh mynta u snem yn lah ban pyntrei kam ia kane ka jingthmu ban buh ia ka Restaurant ba per ha Um.
