Shillong, Risaw 04: Ki nongkit kam jong ka Hima Mawphlang mynta ka sngi kila leit ban ia kynduh ia u myntri rangbah ka jylla u Dr Mukul Sangma bad ha kane ka jingiakynduh kila dawa na u myntri rangbah ban plienoh ia ka Mawphlang CHC kaba la dep ban shna iing ka iing mynta la bun bun snem.
Na ka liang jong ka hima kala ban jur ia u myntri rangbah ban plienoh ia ka Mawphlang CHC kumba ka long mynta ka jingpoi jong ki paidbah ban shim dawa na kane ka jaka sumar jong ka sorkar kala nang kiew na ka snem sha ka snem bad kala idei ban plienoh ia kane ka CHC.
Ha kane ka jingiakynduh na ka liang jong ka hima kala pynkynmaw ruh ia u myntri rangbah ka jylla ia ka jingkwah ka jong u ban buh ia ka jaka pule ia ka Commerce bad ka Science ha katei ka jaka ha kaba ka hima kala mang 20 Akar ka jaka na ka bynta kane ka jaka hikai.
Kum ka hima kala kyntu ruh ia u myntri rangbah ka jylla ban ia leh katba lah ban rah noh ia ka skul JNV kaba don mynta ha ki iing jong ka Mawphlang Block sha ka jaka jong ka kaba la dep ban shna naduh u snem 2008. Ia kane ka kynhun la ialam da u MLA jong kane ka jaka u Bah Kennedy C Khynriem kat ba na ka liang jong ki ophisar la don u secretary ka koit ka khiah u Bah HM Shangpliang bad u Commissioner bad Secretary ka tand pule puthi uBah DP Wahlang.
