Jowai Nailur 13: Ka Jaintia Students’ Union (JSU) bad ka Jaintia Youth Federation (JYF) ki ar tylli ki seng bhalang na Rilum Jaintia ki pynpaw iaka jingsngew lyngngoh bad sngewthamula kaba haduh katta katta halor ka jingpynmih List ka District Selection Committee (DSC) West Jaintia Hills District ia ki nongwatkam kiba la pynbna ba kila pass iaka Written Interview na ka bynta ka post Soil bad Water Conservation Demonstrator (Jr-1) haduh arsien arwat.
Kane ka jingpynmih haduh artylli ki list ka paw katkum ka ka shithi no. DSC-3/Exam/Pt/2016-17/49 date Jowai the 31st August 2016 bad no. DSC-3/Exam/Pt/2016-17/50 date Jowai the 5th Sept 2016 kaba la soi da u Deputy Commissioner jong ka West Jaintia Hills u ba dei ruh u Chairman jongka DSC.
Haka List ba ar la thoh ruh ba ka dei ka list kaba la pynbeit iaka list kaba nyngkong. Bad kane ka buh ia shibun ki jingkylli balei ka jia kum kane ka jingjia hapoh ka DSC West Jaintia Hills. Ki nongialam ka JSU bad ka JYF ki kylli ba lada dei ka jingbakla balei ka DSC kala da wah hapoh notice board bad balei ka shimpor iaka DSC ban pynbeit haduh 5 sngi ia kane ka jingbakla.
Shuh shuh kine ki ar Seng kila kynnoh ruh ba kam dei satia ka jingbakla namar na ki 12 ngut kiba la paw kyrteng. haka list ba nyngkong, haduh hynriew ngut naki kila jah pat ka kyrteng haka list kaba ar. Ha ka juh ka por haka list kaba ar ki roll. No kiba paw ki poi shaka 13 ngut, bad kane hi ka pynpaw ba kane ka don kaei re kaei kaba sha lyndet.
Kum ka jingpynkynmaw, haka por ba ialeh iaka Examination naka bynta kane ka post haka 6 Nailar 2016 na ka liang u DC Arunkumar Kembhavi (IAS) u la shim khia bha ban pyllong iaka kaba khuid ha kaba u la knieh ruh iaki mobile phone, beh bad ai black list ia kinto ki nongialeh examin kiba pyndonkam iaki mobile phone, hynrei ha pdeng kane ka jingkyrmen, na ka liang ka DSC pat ka la leh da khongpong.
Hato ka shonghok mo ban kynnoh tang iaki samla wat kam lada ka jia ha kane ka nongrim? Kynnoh kine ki arseng. Kumta na ka liang ka JSU bad ka JYF ka dawa ba dei ban thung iaka kynhun tohkit halor kane khnang ban lap iaka jingshisha, bad na ka liang kine ki arseng kin bundien ia kane ka jingjia ban wat iaka jingshisha baroh.
