Jowai Rymphang 23: Ki nongialam jongka Jaintia Students’ Union (JSU) ha kine ki khyndiat sngi ba la leit kila ia kynduh ia u CEM jongka JHADC Ma T. Shiwat bad ia u EM Incharge ka Tdading Lisence JHADC u ma K. Lytan ban pynsngew haki halor ka jingsngewkhia kaba haduh katta katta halor ka jingjynsur bad ka jing bym treikam pura ka Trading Lisence bad la Temporary Clearance Certificate (TCC) bad kumjuh iaka Labour certificate naka bynta ki bar jylla kiba shong dukan bad kiba trei ba ktah hapoh u pud u sam ka Ri lum Jaintia baroh kawi.
Haka jingia kynduh bad kine ki arngut ki nongmih khmat ka Jhadc, ki ong ba na ka liang ka Council lyngba ka tnad Trading License ki don ki briew kiba peit ia kane ka bynta kaba kynthub naduh ka kyrdan inspector bad kiwei kiwei. shuh shuh kila bynrap ruh ba ki briew jongka Council ki leit kylleng ki jaka jongka ri lum jaintia ban peit ia kane ka kam ban khanglad iaki bar jylla ban kamai khlem da biang ki kot ki sla.
Halor kane ka jingkren jong kine ki nongmihkhmat, ka JSU ka pynpaw iaka jingsngew thamula ha kaba wat lada don kine ki nong peit na ka liang ka Council, hynrei ki dang bun ki bar jylla kiba ioh lad ban buh Dukan, bad trei iaki kam baphr bapher khlem da don ki kot ki sla kiba biang. kat kum ka jinglap jongka Union ki don ruh ki bar jylla kiba ioh iaka Trading License bad ka TCC tang shisien bad khlem da wan pynthymmai shuh (Renew) haduh lai saw snem, bad kane ka buh haka jingartatien bad ka jingsuba ba la kadei shsha ka jingtlot jongka ouncil bad ki briew jongka ne ka lah ban don k ei re kei kaba sha lyndet.
kumta halor kane ka mat, ka JSU kala dawa naka Council naduh u EM In charge Trading License bad kumjuh ia u CEM badon burom ba ki dei ban teh pynrkhing bha khnang ba ki bar jylla kin ym iohlad ban trei lait luid khlem da don ki kot ki sla kiba biang, bad ka Seng ka dawa ba hapoh u bnai March mynta u snem, ki bar jylla baroh ki dei ban don ki kot ki sla ba biang kum ka Trading License, TCC bad ka labour License, kata nduh kiba shong dukan, kiba trei bylla bad kiwei kiwei ki jait kam, lym kumta ka JSU kan iaid hi shakhmat ban leh da kaba tyngeh, namar kane kam ym ktah tang iaka Revenue jongka Council hynrei kala iuh roit ruh ia ka hok jongki nongshong shnong kiba dei ki trai Ri trai muluk. kane ka long katkum ka jingpyllait khubor jongu Cultural Secretary ka JSU u samla ChebhaPassah.
