Shillong, Nailur 08: U MLA jong ka Mawlai u Bah Embha Syiemlieh, ryngkat kaseng FKJGP mynta ka sngi kila leit ban jurip iaka jaka bret niut kaba don ha Mawlai, lynti rim bad ha dien jong kane kila leit ban ia kynduh ia u myntri kam pynroi sor u bah Ronni V Lyngdoh ban dawa na u ba dei ban weng noh ia kane ka jaka bret niut na kane ka jaka.
Ha kane ka jingiakynduh ia u myntri kam pynroi sor la ia kren ruh ia ki jingeh kaba ki paidbah ka thain Mawlai ki ia kynduh na kane ka jingwan kyntur pud jong ka MUDA ha kaba ia dei bad ka kam shna iing shna sem bad kum juh ban ioh ia ka light bad ia ka um.
Ha kane ka jingiakren na ka liang jong u myntri u la ong ia u ne u nongmih khmat jong ka Mawlai ba un sa peit bniah bad ban shimkhia ha kaba ia dei bad kine ki jingeh kaba ki paidbah ki ia kynduh, la ong u Bah Embhah.
