Shillong, Lber 10: U Dr. Mukul Sngma MLA ba dei ruh u nongalam jong ka seng TMC ha Meghalaya la ong ba dei ka jingleh ka seng Congress kaba la pynbna ia ki kyrtong baroh ar tylli ki MP Konstitwensi na Meghalaya.
Ha ka jignshisha kila ia kren ban buh kyrtong da ka jingiasngewthuh lang na ka kynhun INDIA, lada ka Congress kala kynnoh ba ka TMC kala dep pynbna ia baroh 42 tylli ki MP Konstitwensi ha West Bengal dei bala leh shuwa ka Congress.
U Dr. Mukul u la ong ba na ka liang jong ka TMC kala ap shle bha hynrei dei ka congress kaba la pynslem bad dei ka congress kaba la pynbna ia ki kyrtong baroh ar tylli ki kontitwensi ha Meghalaya.
Na ka liang jong ka TMC kala ia kren ban buh ia u kyrtong ba ia mon lang hapdeng ka Congress bad ka TMC katkum ka jingiakren hapoh ka kynhun kaba la tip kum ka INDIA, hynrei ka Congress ha Meghalaya kala dep ban pynbna kyrtong khlem da tip ka jingjia ha madan.
