Shillong, Jymmang 19: U P K Dubey, Inspector General, BSF Meghalaya Frontier shilling lem bad 20 ngut ki heh jong ka BSF kila leit ban ia shim bynta ha ka jingialang ia kaba la tip kum ka “Directors General Level Border Coordination Conference” hapdeng ki shipai BSF bad jong ka Border Guard Bangladesh (BGB) kaba la long ha Dhaka Bangladesh naduh ka 11 tarik haduh ka 16 tarik mynta u bnai. Ia kane ka kynhun BSF la lam khmat da K K Sharma, IPS, Director General, Border Security Force.
Ha kane ka jingialang na ka liang jong ki BSF kila iakren bad ki shipai BGB jong ka Bangladesh ban dawa ba ki dei ban kyndang noh ia ka jingdon jong ki seng lehnoh jong ka Ri India ha ka thie ka Ri. Ha kane ka jingiakren la kdew kyrpang ruh ia ka jingdon jong u C-In-C jong ka seng lehnoh GNLA U Sohan D Shira bad U Deputy Commander jong ka seng ULFA, u Dristi Rajkhowa.
Ha kane ka jingialang kaba hynriew sngi lynter la ia kren ruh shibun ki jingeh kiba don ha khappud hapdeng kine ki ar tylli ki Ri, kum ka jingiakhaii iaka pisa thok, ka jingiarung ia mih jong ki nongtuh bad ka jingshah kem jong ki briew na baroh ar liang ha ki khappud bad kiwei kiwei ki kam pyntriem.
La iakren ruh ha kaba ia dei bad ka jingsiat ia kibriew kiba lului ha ki khappud kaba la wan rah ia shibun ki briew ha ka jingmynsaw, ha kane ka bynta la iakren sani ba kin ia kiar ban peit ba ki riew lui lui kim dei ban ngat hakum kine ki jingjia.
Ha kane ka jingialang kila ia mynjur lang ba kin don ia ka jingiatreilang ban the lakam iaki kam sniew bad khamtam eh ia ka jingiakhaii tuh ia ki kynthei sha ki jaka dei met.
al participation. Both the sides agreed to take effective steps for prevention of human trafficking, smuggling of arms/amn and other contraband items. Both the countries also agreed for reciprocal exchange visits of school children, friendly competition between both the border guarding forces etc.
