Shillong, Nailar 18: U Director ka tnad ka koit ka khiah u la iathuh ba ha ka jingtest na phang ia ki briew ha kylleng ka sor Shillong, kum ha Laitumkhrah, Rilbong, Jhalapara, Anjalee, Police Bazar bad Motphran.
Ha kane ka jingtest naphang mynta ka sngi la sem ba 14 ngut ki briew na Jhalupara ki long, Positive, 4 ngut na Rilbong, katba ia kiba test na Anjalee, Motphran bad Khyndailad pat ioh ia ka kaiphot.
Kiba la ioh ia ka kaiphot kiba dei mynta ka sngi ki long baroh 39 ngut, na kine 27 ngut ki dei hapoh East Khasi Hills, 11 ki BSF, 7 ki dei na ki kynhun shipai bad 9 ngut ki dei ki riew paidbah. Ha Ri Bhoi 3, East Jaintia Hills 1, South Garo Hills 1 bad West Garo Hills 7.
Ka jingdon kiba shitom baroh mynta ki long 766 ngut, ha East Khasi Hills ki long 446 ngut, na kine BSF 80, kynhun shipai 77 bad ki riew paidbah 284 ngut. West Khasi Hills 3, South West Khasi Hills 1, Ri Bhoi 103, West Jaintia Hills 4, East Jiantia Hills 6, West Garo Hills 189, South West Garo Hills 4, South Garo Hills 2 bad North Garo Hills 8.
Kiba la koit haduh mynta ka sngi ki long 685 ngut, kiba koit mynta ka sngi ki long 6 ngut, na kine 3 ngut ki kynhun shipai, 1 riew paidbah bad 2 ngut ki BSF. Kiba la khlad haduh mynta ki long 6ngut. Kiba la test haduh mynta ka sngi ki long 44234 ngut, kiba long Negative ki long 42330 bad ki resolt kiba dang ap ki long 447 tylli bad ki briew kiba la wan rung sha ka jylla ki long 28,293 ngut.
U Director ka tnad ka koit ka khiah u la ong ban iada na kane ka jingpang ka long ba ki paidbah ki hap ban bud ia ki tylli ki jingbthah jong ka sorkar, kata ka long ban deng mask ha ki jaka paidbah, ban sait kti man ka por bad ban pynia jngai iwei na kiwei ha ki jaka ba leit bad kiar na kaba mih na iing lada kim dei ki kam kiba don kam palat.
