Shillong, Iaiong 14: Ki pulit jong ka East Garo Hills kila ioh jingtip ba ki don ki briew kiba kam iade ba ki dei ki dkhot jong ki seng bhalang bad kila bat ia ki kali ha surok ha khyrdop jong ka khlaw Sangkama bad dawa pisa na ki kali kit sniang.
Haba ki pulit kila pynlong ia ka jingtohkit la shem baki lai ngut ki briew kiba la suba ba don kti ha kane ka kam, ki long u Josha Sangma 40 snem, Jasin Momin 30 snem bad u Tegna Sangma kila bat ia kawei ka kali Pickup kaba don ia u number AS-01PC-5955 kaba la niah da u Nirmal Das.
Ha kane ka jingtohkit la phla ba kila dawa pisa T.13,000/- tyngka na kiba don ha kane ka kali bad kila ktah kti ban shoh pynmynsaw ia ki kiba don ha kane ka kali ki long u Probhat Hajong 38 snem, u Robul Das, u Pulok Das bad Nirmal Das 25 snem.
Ki pulit jong ka East Garo Hills kila kem ia kine ki lai ngut bad ka jingtohkit ka dang iaid sha khmat ban lap ia ki jingshisha ha kaba ia dei bad kane ka jingdawa pisa jong kitei ki lai ngut na ki kali kit shniang.
