Shillong, Rymphang 10: Mynta ka sngi ha ka por dang step u wei u rangbah na ka shnong Tamabil kaba don ha khappud bad ka Bangladesh kaba hap hapoh jong ka West Jiantia Hills District u la shah pom ha ki briew kiba la suba ba ki dei na Bangladesh.
Na ka liang jong ki pulit ba dei peit ia ka Dawki Police Station ki iathuh ba kala don ka jingjia ha kaba u wei u briew u la shah pom ha ki briew kiba la suba ba ki dei ki khar Bangladesh, une u briew u la mynsaw hynrei la ai jingsumar bad la phah noh ha dien bala thah dawai.
Ha kine ki sngi la iohi ba ka jingthur jong ki khar Bangladesh ban ruh sha India bad leh ia ki kam runar da kaba pynmynsaw ia ki briew bad tang mynin ka sngi kila pynmynsaw ia ki briew na ka thain Shella ha East Khasi Hills bad mynta ka sngi kala jia biang ha Tamabil.
katkum ki lad khubor kiba la ioh la ong ba une u ba shah pom mynta ka sngi la tip kyrteng u bah Morningstar Bamon u dei u nongniah kali ia kawei ka trok kit maw sha bangladesh.
