Shillong, Jymmang 08: Ka seng Bharatya Janata Party kala byrngem ban ai da ka jingujor FIR pyrshah ia ka kyrtong MP jong ka seng Congress ka Dikkanchi D. Shira kaba la kynthoh pyrshah jur ia ka seng BJP haka jingïalap election ka jong.
Kumba ka paw haduh kine ki sngi na ka liang jong ka BJP kam pat ai ia ka jingujor ne kata ka FIR pyrshah ia katei ka kyrtong jong ka seng Congress kaba ia khun ia kane ka election shiteng samoi naka 2-Tura Parliamentary Constituency sha Lok Sabha.
Haba u SP News Agency u la ioh ban ia kren bad u president jong ka seng BJP jong ka Meghalaya state Unit u Bah Shibun Lyngdoh ban kylli lano ka seng kan ai ia ka FIR, na ka liang jong u president u la ong “Haduh mynta ngin pat ai ia ka FIR ki dang ia pynkhreh”.
Haba la ban biang lano kin ai na ka liang jong u president yn shym la kren shai lano kin ai u la jubab biang ba kin dang ia kren bha ia kane ka kam.
Kumba ka la paw ha ki lad pathai khubor na kane ka jingkren jong ka kyrtong jong ka seng Congress ka long ha ka ar tarik mynta u bnai ha ka jingialang paidbah kaba la long ha Dadenggre, la ong ka kyrtong jong ka seng Congress kala ong ba ka BJP kam lah ban ai jingiada ia ki Khrsitan bad ia ki Muslim bad dei tang ka seng Congress ban ïada ia ki rit paid.
