Shillong, Rymphang 11: Ha ka jingiakop rwai kaba la pynlong da ka AIR Shillong ia kaba la ai kyrteng “NE Body Sing-2016, ha ka thun “Modern Song Category” la rah da u kaitor Bah Ribhakupar Shadap. Kane ka jingiakop rwai kaba la pynlong da ka AIR ka long ka sien kaba ar bad ka jingthmu jong kane ka long ban pynsawa sha ka pyrthei ia ki jingrwai na kane ka thain.
Ia kane ka jingiakop phainal la pynlong mynta ka sngi ha Aurobindo Hall, Shillong. Ha kane ka Modern Song category la wan baa r da u kaitor Manchai Phom u la ioh ia ka khusnam kaba T.50000/- tyngka katba u Bah Ribhakupar u ba la wan ha ka kyrdan ba nyngkong u la ioh ka khusnam kaba T.100,000/- tyngka.
Ha ka jingiakop ia ki jingrwai jong ki ri sep ngi u kaitor na ka jylla Nagaland u Seyievinuo Chuzo u la jop ha ka kyrdan kaba nyngkong ha kaba u la ioh ka khusnam T.100,000/- tyngka, ia ka kyrdan ba ar la jop na ka jylla Mizoram u Kaitor Lalramzauvi bad ka khusnam T.50000/- tyngka ia kine ki khusnam la bei da ka SBI.
Ki nongiashim bynta ki long na kylleng jong ki All India Radio stations jong kane ka dong shatei lam mih ngi jong ka Ri India , u Vice Chancellor of North Eastern Hills University (NEHU) u Prof. Sri Krishna Srivastava,u Pro Vice Chancellor ka NEHU Prof Dr Henry Lamin, u Additional Director General (Programme & Administration) (NEZ) All IndiaRadio Shri D.N.Basumatari bad u AGM State Bank of India Shri Rajeev Arora kila pynkup burom ia kine kinongjop.
