Shillong, Lber 28: U Bah Roni V Lyngdoh MDC jong ka Mylliem haba ia shim bynta ha ka jingiakren halor ka jingdawa ban pynhiar noh ia ka jingmang tyngka ia ka tnad general Adminstration, u la ong ba bun bah ki shnong kim juh pynlong ia ka dorbar shnong da ki bun bun snem.
Haba kren hapoh iing dorbar u la ong ba hapoh ka Mylliem Kontitwensi ki don kiba kum kita ki shnong bad ka don ka shnong kaba khlem pynlong dorbar mynta la khyndai snem. Ka daw ba bun na ki shnong kiba long rangbah shnong dei ki kontraktor kaba ki paidbah kim nud ban kren.
U la ong ruh kum ka jingjia hapoh ka kur nongkhlaw, kaba la mih ia kata ka kur War Sadew bad kane ka ktah ruh wat ia ka shongkha shnong man,ka tnad Elaka kala dei ban peit bha ia kum kine kiei kiei ban nym wan rah ia ka jingiakajia ha ki shnong ki thaw.
La ong ba ka dei ka District Council ban ithuh ia ki kur ki jaid, haba ia dei ba ki kam eleka la dei ban ioh ia ki khleih nongsynshar kiba pura.
