Shillong, Iaiong 15: Ka long ka jingkyndit ia ka party UDP hapoh jong ka Ri Bhoi District, ha kaba saw ngut ki nongkit kam jong ka UDP hapoh jong ka Ri Bhoi District kila hiar shuki na ka kam kaba ki bat, U Bah Donkupar Sumer u la iehnoh ia ka kam Working President jong ka District u ba dei ruh u MDC jong ka Umsning bad u kyrtong jong ka party ha ka election MLA 2018.
Kiwei kiba la hiar shuki lang bad u bah Sumer ki long u Bah Biestar Sylliang u ba bat ia ka pla pisa jong ka UDP hapoh ka District bad ki ar ngut kiwei pat ki long u Bah Elphin Kurbah bad u Bah Plielad Ksiar kiba dei ki Executive Member ia ka shithi ienoh kam ka jong ki la phah sha u Secretary jong ka party u ha ka 13 tarik mynta u bnai.
Ha kane ka shithi iehnoh kam, kitei ki saw ngut ki nongialam jong ka seng kila pynsngew ba, ki kwah ban wengnoh ia lade na ka kam kaba ki bat hapoh jong ka District na ka bynta ba kin ioh ban pynlut por ha kaba trei na ka bynta ka party hapoh jong ka Umsning MLA Constituency ban pynjop don burom ia u bah Donkupar Sumer ha ka MLA 2018.
Kine ki saw ngut kila kyprad ia ka party ba kin sngewbha ban pynlait ia ki na ki kam kaba ki bat mynta hapoh jong ka party.
