Shillong, Iaiong 14: Ïa ka phlim “Lanot” yn sa pyllait paidbah noh shen ha Bijou Cinema, Shillong ka phlim ba la shimbynta da u bah Monstar Nongdhar kum u tyngshop bad ka Lucy Diengdoh kum ka Puron.
U bah Monstar Nongdhar u ba long u tyngshop lamkhmat jong ka phlim “Lanot” uba long u trai ka phlim u la pyllait paidbah ia ka teaser mynta ka sngi ha Shillong Press Club.
Ha kane ka sngi pyllait paidbah ia kane ka teaser phlim “Lanot” la ia donlang ki tyngshop ki puron bad kiwei kiwei de.
Ha ka jingiakren sha ki nongthoh khubor u bah Monstar Nongdhar ula iathuh, ba ia kane ka phlim la sdang ban ringdur naduh u snem 2019 hynrei namar ka jingwan u Covid-19 ka la pynthud ia ka jingringdur bad ka kam ka la sdang sahteng noh.
U la iathuh ruh, ka khana jong kane ka phlim “Lanot” la pynwandur halor ka jing jia ba sngewsih ia kawei ka long iing. ia ka jing iathuh khana jong kane ka phlim, ba don kawei ka long iing kaba duk ha kaba u kpa jong ka iing u shu bylla sngi ha ka par dewïong bad uwei u nongkhaïi Dewïong.
U la iathoh ba ia kane ka phlim palat 10 lakh la pynlud ha ka ban pyn-i-tynnat bad u la ong ba ka long ka phlim ka ba itynnad shikatdei eh, ba ki nongshim bynta ha kane ka phlim ruh ki dei kiba la tbit bha ha ka kam ak phlim.
Shuh shuh u la ong, ki paitbah ki la ju iohi ia u ha ki phlim khasi lyngba ka Youtube bad ha Hello Meghalaya ba u ak sniew ne ak kum u gang, katba ha kane ka Phlim “Lanot” u bah Monstar Nongdhar u la shim bynta kum u main actor.
Kumta u bah Monstar Nongdhar u la kyrpad ia ki paitbah ka bri u hynniewtrep hynniewskum ban leit ai jingkyrshan ia ka phlim “LANOT” ynda la pynlait iaka ha bijou cinema.
